මගෙ දියණියේ
දකිමි ඔය දෙනෙත්
දිලිහෙමින් කැරකෙනා
විනිවිද දකිමි මා
මගේ ජීවිතය
ඒ ඇස් වලින්
පුංචි බිළිඳියක ලෙසින්
හුරතල්ව දඟලමින්
ළපටි අත් පා ගසා
හිඳී මගෙ තුරුළෙ අද
කියා දෙන්නද පාඩමක්...
ජීවිතය දුර ගමනකි
ඒ මග යා යුතුය
මා මෙන්ම ඔබත්
කම්කටොළු බොහෝ වෙයි
ඉදිරි මාවත අරා
මගෙ දිවියටත් වඩා
නුඹට බාධක වැඩියි
ඉතින් මගෙ දියණියේ
දිලිහෙනා ඇස් ඇරන්
නැණ නුවණ මෙහෙයවා
යනු මැනවි ඉදිරියට
කවදාක හෝ දිනක - මගේ අත් ගිලිහුණත්
මේ තාත්තාගෙ හිත - නුඹ ළඟම රැඳෙනු ඇත
අසංක ගයාන් අබේසිංහ
-පසුගිය මාසයේ මෙලොව එළිය දුටු මාගේ පුංචි දියණිය වෙනුවෙන් තබන ලද සටහනකි-